આટલી વસ્તુઓ ખબર નહીં હોય તો હોટલવાળા છેતરી જશે

April 28, 2018

1859

લોકો જ્યારે ફરવા જવાનું વિચારે ત્યારે સૌથી પહેલા બે વસ્તુઓ જ વિચારે. સસ્તી ટિકિટ અને સસ્તી હોટલ. પરંતુ દર વખતે આવુ થતુ નથી. પરંતુ જો આપણે જલદી બુકિંગ કરીએ તો સસ્તી ટિકિટ મળી શકે છે અને હોટલને કોઇ વેબસાઇટ કરતાં ફોન કરીને જાતે કરો.

અડધી કિંમતો બુક કરી શકોછો હોટલ

હોટલો તેમના ખાલી પડેલા રૂમ્સને સસ્તામાં આપતી હોય છે. પરંતુ હોટલો તેને જાહેર નથી કરતી કારણ કે ક્યારેક તેમને એવા ગ્રાહક મળી જાય છે જે હોટલના રૂમની મોં માંગી કિંમત આપવા તૈયાર થઇ જતા હોય છે.

બુકિંગ દરમ્યાન બાર્ગેનિંગ

તમે વિચારી રહ્યા હશો કે આ કેવી રીતે શક્ય બને પરંતુ જો તમે હોટલનું બુકિંગ સીધા હોટલ પર જઇને કે ફોન કરીને કરો છો તો હોટલની બુકિંગમાં 30 ટકાની છૂટ મળી શકે છે.
બધા રૂમો એક જેવા નહીં

જી હાં, તમે પણ એ વાત સાથે સહમત હશો કે હોટલના બધા રૂમો એક સરખા નથી હોતા. કોઇ રૂમમાં બાથરૂમ મોટુ હોય તો કોઇમાં રૂમ જોવામાં મોટો હોય છે.

રૂમમાં સુવિધા ન હોય તો ફોનથી કરો ફરિયાદ

જો તમને હોટલમાં રહેવા દરમ્યાન કોઇ મુશ્કેલી છે, તો તેને અવગણવાની જગ્યાએ તરત તેની ફરિયાદ કરો, કારણ કે કોઇ હોટલવાળો એવું નથી ઇચ્છતો કે તેને ગ્રાહક નારાજ થાય. જો તમે ફરિયાદ કરશો તો તે તમને સારી સુવિધા આપવાનો પ્રયાસ કરશે.

રૂમમાં મિની સેફ

મોટાભાગે હોટલોમાં મિની સેફ (તિજોરી) પૂરી પાડવામાં આવે છે. જ્યાં તમે તમારો કિંમતી સામાન સુરક્ષિત રાખી શકો છો. પરંતુ સારૂ એ રહેશે કે તમે મીની સેફના બદલે તમારો સામાન રિસેપ્શન પર જમા કરાવી તેના બદલામાં રસીદ મેળવી લો.

રૂમની સફાઇ નથી થતી

મોટાભાગે એવું જોવા મળે છે કે હોટલના રૂમની બેડશીટ, કમ્બલ, તકિયા વગેરે સાફ નથી થતા. સારૂ એ રહેશે કે તમે તમારી સાથે એક ચાદર લઇને જાઓ. હોટલમાં ચેક કરતી વખતે કાઉન્ટર પર જણાવી દો કે તમારે રૂમમાં ચોખ્ખો અને બેક્ટેરિયા ફ્રી કમ્બલ જોઇએ છે.

હોટલમાં ફ્રી સુવિધાનો ઉઠાવો લાભ

હોટલમાં ગ્રાહકોને ફ્રી સુવિધા જેવી કે બ્રેકફાસ્ટ, મીનરલ વોટર, પ્રેસ, હેર સ્ટાઇલિંગ, ફોન ચાર્જર અને બોર્ડ ગેમ વગેરે. આ ઉપરાંત, કેટલીક હોટલો પોતાના કસ્ટમરના કમ્ફર્ટનું ધ્યાન રાખતાં તેને ફ્રી ટેક્સી સેવા, ડોક્ટર ઓન કોલ જેવી સુવિધા પણ પ્રદાન કરે છે.

ક્યારેય કોઇ હોટલ ફુલ બુક નથી હોતી

મોટાભાગે જ્યારે આપણે કોઇ હોટલમાં ઇન્કવાયરી કરીએ છીએ તો હોટલવાળાનું કહેવું હોય છે કે હોટલ ફુલ્લી બુલ છે, પરંતુ ક્યારેય કોઇ હોટલ પુરી બુક નથી હોતી. દરેક હોટલમાં કેટલાક એકસ્ટ્રા રૂમ હોય છે જે હોટલના ખાસ કસ્ટમર માટે રિઝર્વ રહેતા હોય છે.

ચેક ઇન કરતા પહેલા ચેક કરો પ્રાઇવેસી

સસ્તી હોય કે મોંઘી હોટલ, ચેક ઇન કરતા પહેલા પ્રાઇવસીનું પુરૂ ધ્યાન રાખો. ઘણીવાર હોટલ સ્ટાફ ચોરીછુપીથી પોતાના ગ્રાહકોની વાતો સાંભળે છે. રૂમમાં ચેક ઇન કરતાં પહેલા કેમેરા ચેક કરી લો.