આ છે ઈંડિયાનું ‘સ્કૉટલેંડ’, ભારતમાં કરો યૂરોપનો અનુભવ

0
492
Advertisement
Hotel Anil Farmhouse, Sasan Gir

યૂરોપમાં ફરવા માગો છો પરંતુ ખર્ચો પોસાય તેમ નથી, તો નિરાશ થવાની જરૂર નથી તમે ભારતના જ ‘સ્કૉટલેંડ’ની મજા લઈ શકો છો. નવાઈ લાગીને વાંચીને. ‘કૂર્ગ’ ભારતનું એક એવું હિલ સ્ટેશન જે યૂરોપના હિલ સ્ટેશનથી ઓછું નથી. એટલે જ કૂર્ગને ઈંડિયાનું સ્કૉટલેંડ કહેવામાં આવે છે.

અદ્ભૂત પ્રાકૃતિક સૌંદર્ય

કર્ણાટકના પશ્ચિમ ઘાટના પહાડોના સૌથી સુંદર હિલ સ્ટેશન પર દર વર્ષે લાખો ટૂરિસ્ટ દેશ-વિદેશથી આવે છે. વિશાળ હરિયાળા પર્વતોમાં તમને દૂર-દૂર સુધી બનેલા ઘર જોવા મળશે. અહીંની પ્રાકૃતિક સુંદરતા મન મોહી લેશે.

કેવી રીતે પહોંચશો કૂર્ગ

જો તમે ફ્લાઈટ દ્વારા કૂર્ગ જવા માગો છો તો મેંગ્લોર એરપોર્ટ સૌથી નજીક છે. કૂર્ગ અહીંથી 160 કિલોમીટર દૂર છે. અને સૌથી નજીકનું રેલવે સ્ટેશન મૈસૂર છે જે આશરે 110 કિલોમીટરના અંતરે છે. આ સિવાય જો તમે બાય રોડ કૂર્ગ પહોંચવા માગતા હોવ તો કર્ણાટક સ્ટેટ રોડ ટ્રાંસપોર્ટ કોર્પોરેશનની બસમાં મુસાફરી કરી શકો છો. ડીલક્સ બસ દ્વારા કૂર્ગ કર્ણાટકના દરેક જિલ્લા સાથે જોડાયેલું છે. આ સિવાય તમે ટેક્સી, બસ કે જાતે ડ્રાઈવર કરીને પણ કૂર્ગ જઈ શકો છો.

ક્યારે જશો કૂર્ગ

કૂર્ગમાં આખા વર્ષ દરમિયાન તાપમાન 15-25 ડિગ્રી વચ્ચે રહે છે, જે ફરવા માટે યોગ્ય છે. આમ તો તમે કોઈપણ સિઝનમાં કૂર્ગ જઈ શકો છો પરંતુ ઓકટોબરથી માર્ચનો સમયગાળો કૂર્ગમાં ફરવા માટે શ્રેષ્ઠ માનવામાં આવે છે. જો તમે કૂર્ગમાં સફેદ ફૂલોથી ઢંકાયેલા પર્વતો જોવા માગો છો તો એપ્રિલ-મેમાં મુલાકાત લેવી. જૂનથી સપ્ટેમ્બર સુધી અહીં સારો વરસાદ પડે છે. ચોમાસામાં કૂર્ગનું સ્વરૂપ બદલાઈ જાય છે. કોફી અને ચાના બગીચા એકદમ તાજા અને નવા દેખાય છે.

કૂર્ગમાં ક્યાં ફરશો

કૂર્ગમાં ફરવા માટે ઘણાં મંદિર, પ્રાકૃતિક સૌંદર્યથી ભરપૂર પહાડો અને ઝરણાં છે. જો તમે પ્રાકૃતિ સૌંદર્યને નજીકથી માણવા માગતા હોવ તો એબે અને મલ્લાલી ઝરણાંને જોવા માટે અચૂક જાઓ. પ્રકૃતિ પ્રેમીઓ અને એડવેંચર લવર્સને આ જગ્યા ખૂબ ગમે છે. 200 ફૂટની ઊંચાઈએથી પડતું મલ્લાલી ઝરણું લોકોને મંત્રમુગ્ધ કરી દે છે. આ ઝરણું ભારતનું સૌથી મોટું ઝરણું પણ છે.

કાવેરી નદીનું ઉદ્ગમ સ્થાન

જૂનથી સપ્ટેમ્બર મહિના દરમિયાન મોનસૂનમાં અહીં જાઓ તો ઝરણાંનું એક અનોખું રૂપ જોવા મળશે. પહાડો પરથી પડતાં ઝરણાંનો અવાજ અહીંથી ગયા પછી પણ તમારા કાનમાં ગૂંજતો રહેશે. આ સિવાય 1820માં બનેલા ઓમકારેશ્વર મંદિર અને તાલ કાવેરી પણ જઈ શકો છે. તાલ કાવેરી કાવેરી નદીનું ઉદ્ગમ સ્થાન છે. અહીંથી જ કાવેરી નદી વહે છે. કૂર્ગના પ્રવાસ દરમિયાન કાવેરી નિસારગાધામ જજો, જે કાવેરી નદી દ્વારા બનાવાયેલો એક આઈલેંડ છે.

કૂર્ગમાં એડવેન્ચર એક્ટિવિટી

જો તમને એડવેન્ચર ગમે છે તો કૂર્ગમાં બધી જ વ્યવસ્થા છે. અહીં તમે ટ્રેકિંગ કે માઉન્ટેનિંગ કરી શકો છો. કક્કાબેથી થડિયાનડામોલ સૌથી લોકપ્રિય રૂટ છે, આ રાજ્યની સૌથી ઊંચી ટોચ પણ છે. આ ટ્રેકને પૂરો કરવામાં લગભગ 5 કલાક લાગે છે. આ સિવાય દુબારે હાથી કેમ્પ પણ જઈ શકો છો. આ કેમ્પ કર્ણાટક સરકાર ચલાવે છે. અહીં મહાવતોને ટ્રેનર્સ દ્વારા ટ્રેન કરવામાં આવ્યા છે. અહીં હાથી પર સવારી કરવાની સાથે સાથે નદીમાં હાથી સાથે ન્હાવાની મજા લઈ શકો છો. હાથી સાથે ન્હાવા માટે સવારે 9 વાગે અહીં પહોંચી જવું પડે છે.

આ એક્ટિવિટીઝ પણ છે

આ સિવાય કૂર્ગમાં રીવર રાફ્ટિંગ, માઈક્રોલાઈટ ફ્લાઈંગ, કાયાકિંગ અને કેનોઈંગ, ક્વેડ બાઈકિંગ, જંગલ જિમ અને પેંટબોલ એક્ટિવિટીનો અનુભવ કરી શકો છો.